Qezaya Pulurî ya Dêrsim de cinîyan ê elewîyan seba ke serrgêra Qirkerdişê Sêwasî yê 2ê temmuza 1993î nîzdî bîya aktîvîteya vîrardişî kerde.

Aktîvîte ke Zîyara Ana Fatma de  ameye kerdene de cinîyê ke qirkerdişî de ameyî qetilkerdene ameyî vîardene. Aktîveteya vîrardişî de fînde ameyî tafînayene û loqmayî ameyî vilakerdene.

Dima ra eşekrayîyêke ameye dayene û nê ameyî vatene: ''Rixmê heme şahîdan qetilkarî hema zî nêameyî cazakerdene. Seba ke qetilkarê nêrê cazekerdene ya her çî kenê.  Netîce senî beno wa bibo raştîya aya ke no qirkerdiş vîjdanê komelî de  senî yeno hukmkerdene. Ma sey cinîyê elewî wazenê reyna fînenê vîrî ke no sûcê merdimîye yo, nê sûcî xo vîrî ra mekerê.''