Çalakîyê vera qetilkerdişê Denîze Poyraze dewam kenê. Çalakîyan de mesajê wayîrvejîyayîşê HDPyî ameyî dayene.

Meclîsê Cinîyan ê HDPyî û aktîvîstanê TJA dewa Xirbêmirîşkê  ya qezaya Mehsertî ya Mêrdînî ke dewa keyeyê Denîze de çalakîye kerde. Cinîyan ver bi banê Poyraze ke keyeyê ci mecbur mend ke serranê 90an de caverdo, rayraşîyayîş kerd.

Endama Meclîsê Dayîkanê Haştîyeyê Nisêbînî Perîhane Altux dayîke Fehîme Poyraz selam kerde. Endama Meclîsê Dayîkanê Haştîyeyê Qoserî zî Hevlete Oncu veng seba ke dayîkî hinî hesran merişnê veng da ke wa her kes têbigêro. Parlementera HDPyî ya Mêrdîmî Pero Dundar zî vat ê qetilkaran sarisnenê û do peyê nayî cameverdê.

Reyna Amed, Riha, Muş, Bedlîs, Colemêrg,Dîlok de zî cinîyî vejîyayî kuçeyan û vera îqtîdarî hersê xo ard ziwan. Çalakîyan de fotografê Denîze Poyraz ameye kiriştene û herişê hukmatê AKPyî yê vera HDPyî ameyî şermezarkerdene.  Qiseykerdişê de mesajê pîlkerdişê têkoşînî ameyî dayene û ame vatetene ke îqtîdaro hêrişkar do bêro wardayene.