Têgêrayîşê Ciwanan ê Welatperestan û Cinîyan ê Ciwanan ê Têkoşeran ê Başûrî serrgêra yewine ya şehadetê Endamê Komîteya Rayberdişî ya PKKyî Kasi Engînî de serê gorê ci de eşkerayîyêke daye.

Ciwanan pê eşkerayîyêke cewab da vengdayîşê seferberîye yê Komalanê Ciwanan.

Ciwanan îfade kerd ke dewleta tirke pê armancê îşxalê Kurdîstanî hêrişê hîrayî dayî destpêkerdene û vera nê hêrişan hêzê tewr pîlî gerîlayî û PKK yê. Ciwanan da zanayene ke artêşa tirke ya îşxalkere seke Garê de bi do Zap, Avaşîn û Metîna de zî bin bikewa.

Ciwanan bale ante nêzdîbîyayîşê hêzanê sîyasîyan ê Başûrî ser û venga înan da ke wa bêvengîye war verdê.

Ciwanan vat: ''Nameyê ciwanan ê Başûrê Kurdîstanî ser o ma bire daye ke vera îşxalê dewleta tirke tewirêkê welatperwerî bimojnê. Ma vengdayîşê Komalanê Ciwanan selam kenê û ma bire danê ke vera îşxalî gerîlayan reyde mil bi milî şer bikerê. Ma vera îşxalî seferberîye îlan kenê. Ma do nêverdê ke xeyalê îşxalkeran bibê raştikênî.''