Komêka ciwananê enternasyonalîstan vera hêrianê îşxalî bi armancê paştdayîşê şarê kurdî bi şîarê 'Seba Kurdîstanî Şorê' zîyaretê Binêrê Qendîlî kerd. Ciwanan Şaredarîya Binêrê Qendîlî, cayê qirkerdişê Zergelê û vîrdarîya şehîdanê Binêrê Qendîlî zîyaret kerdî. 

Ciwanan zîyaret de ard ziwan ke dinya vera hêrişanê serê kurdan bêveng a. Ciwanan Zergelê de eşkerayîye daye çapemenîye û îfade kerd ke hêrişê Tirkîya yê vera kurdan dewam kenê. Ciwanan vat: ''Vera koyanê Kurdîstanî Zap, Metîna û Avaşînî şerêko pîl est o. Welatê Ewropa û endamê NATOyî yê sey Almanya, Fransa, Îtalya, Îspanya şirîkê nê şerî yê. Nê welatî teknîkê çekan şawenê Tirkîya û nê çekî vera kurdan şuxilîyenê. Bêvengîya vera hêrişan hêzî dana Erdoganî. Erdogan û Sedam pê kerdişanê xo manenê pê.''

Eşkerayîye bi sloganan qedîyaye.