Meclîsê Ciwanan ê Şêladizê bi eşkerayîyêke hêrişê îşxalî yê dewleta tirke û hemkarîya PDKyî ya bi dewleta tirke şermezar kerdî.

Ciwanan ard ziwan ke ê do qetî vera hêrişan bêveng nêmanê û vat: ''Herinda gerîlayanê şehîdan de bi hezaran ciwanî do ca bigêrê. Hukmatê Başûrî vera nê hêrişan bêveng o, la ma bimirê zî vera nê hêrişan bêveng nêmanê û tewirê xo bigêrê. Verî zî PDKyî dewleta tirke reyde hêrişê Şêladizê kerdbi.

13 serrî yo ciwanê ma bêkar ê. Hukmatî wextê weçînayîşî de tay sozî dabî la qetî nê sozî nêardî ca. Ciwanê Şêladizê bêkarîye ra şinê teberê welatî. Dewleta tirke û PDKyî ciwanê ma cîya kerdî û nînan ra tay kesî kerdî ajan. Hêzê Roje seba ke ciwanan bêveng bikerê teda kenê û domanî zî tede ciwanan destbend kenê.''