Yewîya Ciwananê Êzidîyan û Yewîya Cinîyan ê Ciwanan ê Êzidîyan bi eşkerayîyêke pare kerd ke vera hêrişanê îşxalî yê dewleta tirke ê do dest pê çalakîyan bikerê.

Eşkerayîye de ame vatene ke dewleta tirke 17ê nîsane de bi hemkarîya PDKyî reyna hêrişê Herêmanê Pawitişî yê Medya kerd û hêzê YJA-Starî û HPGyî vera nê hêrişan xoverdayîşêkê fedayîyî kenê.

Eşkerayîye de ame parekerdene ke dişmen wazeno gerîlayan û şar yewbînan ra cîya bikero la gerîlayî û şar yewbînan ra cîya nêbenê. Ciwanan vat: ''Hemwextê nê hêrişan de hukmatê Kazimîyî zî hêrişê Şingalî kerd. No zî eşkera keno ke hişmendîya faşîste her ca de heman a û armancê ci zî tasfîyekerdiş o û çinkerdişê destkewteyan o.

Vera hêrişan ciwananê êzidîyan û şarê ma tewirêko xurt mojna. Rêxistina Komalanê Ciwanan vera nê hêrişan venga pêro ciwanan da ke vera îşxal û îxanetî bigêrê û tewrê Hemleya 'Werin Cenga Azadiyê' bibê. Ma sey Yewîya Ciwananê Êzidîyan û Yewîya Cinîyan ê Ciwanan ê Êzidîyan tewrê na hemle benê û ma îlan kenê ke çarçewa ney de tay rêzê çalakîyan bikerê.

Ma do seba paştdayîş û selamkerdişê xoverdayîşê gerîlayan çalakîyan bikerê, rayraşîyayîşê pîlî bikerê. ma venga pêro cinî, ciwanan û komelê Şingalî danê ke tewrê çalakîyanê ma bibê û 1ê Hezîrane bikerê roja serkewtiş û azadîya şaranê xoverdayoxan.''