Yewîya Ciwananê Êzidxanî û Yewîya Cinîyan ê Ciwanan a Şingalî çarçewa Hemleya 'Werin Cenga Azadiyê' de serrgêra 9. ya Fermanê 3yê Tebaxe de bi meşaleyan rayîr a şîyî. Rayraşîyayîş de girseyî tim sloganê sey 'Şehîd namirin' û 'Bimre îxanet' vatî.

Girseyî Goristanê Şehîd Dilgeş û Şehîd Berxwdanî de findî vistî ta û eşkerayîyêke daye. Vervatoxa Yewîya Ciwananê Êzidxanî Sara Botan eşkerayîye wende.

Eşkerayîye de ame vatene ke êzidîyî ewro xêrê şehîdan ra payan ser de yê. Eşkerayîye de ame parekerdene ke vera şarê Şingalî û êzidîyan tehlukeyî nêqedîyayê û hêrişî dewam kenê. 

Sara Botan ard ziwan ke ke PDK bi Peymana Şingalî ya 9ê Teşrîna Verêne înan rê qirkerdişanê neweyan ferz keno. Sara vat: ''Gerîlayê ke wextê fermanî de bi hewarê ma ameyê, ma qirkerdişî ra xelisnayê ewro raştê hêrişê dewleta tirke yenê û ganî ma wayîrê nînan vejîyê.''

Eşkerayîye pê sloganan qedîyaye.