Ciwananê Kampa Şehîd Rûstem Cûdîyî ya Mexmûrî ANFyî rê qisey kerd. Înan xoverdayîşê gerîlayan selam kerd û venga ciwananê kurdan da ke hetê gerîlayan de ca bigêrê û azadîya Rayberê Şarê Kurdî Abdullah Ocalanî bîyarê ca.

Cinîya ciwane Evîne Colemêrg hêrişê vera Başûrê Kurdîstanî şermezar kerdî û vat: ''Nê prosesî de ma do seba nasname û estbîyayîşê xo têkoşîn bikerê. Dewleta tirke çeka kîmyewîye zî tede bi her hawayî hêrişê gerîlayan kena. Gerîlayî vera hêrişanê dewleta tirke xoverdayîşêkê pîlî kenê. Ma nêeşkê çeke bigêrê xo destî zî ganî ma vejîyê kuçeyan û bi nê hawayî gerîlayan rê paştî bidê. Ganî armancê ma yo verên azadkerdişê Rayber Apoyî bibo. Eke Rayber Apo azad bibo ma eşkenê Kurdîstanêkê azadî awan bikerê. Ez venga pêro ciwanan dana ke wa vera hêrişan hetê gerîlayan de têkoşîn bikerê.''

Ciwanê bi nameyê Murat Encuyî vat: ''Ez verî xoverdayîşê gerîlayan selam kena. Artêşa tirke reyna 17ê nîsane de pê pêro hêzanê xo hêrişê gerîlayan kerd. Ma sey ciwananê Mexmûrî heta peynî hetê gerîlayan de yê. Ganî her kesî seba Şerê Şarî yê Şorişgêrî amade bibo. Nê şerî de ma do dişmenî çin bikerê û azadîya Rayber Apoyî bîyarê ca. Ma vengdayîşê KCK û Komalanê Ciwanan ser o tewrê Hemleya Werin Cenga Azadiyê bibê û verê xo bidê koyan.''