Qezaya Qeladizê ya Raperînî de serkêşîya Têgêrayîşê Ciwananê Welatperweran ê Kurdîstanî û Têgêrayîşê Cinîyan ê Ciwanan ê Têkoşeran de vera hêrişanê îşxalî eşkerayîyêke ameye dayene.

Eşkerayîye de ame vatene ke vera destkewteyanê kurdan planêko pîl est o, coka ganî pêro kurdî vera hêrişanê dewleta tirke têbigêrê.Ciwanan venga pêro hêzanê kurdan, pêşmergeyan û rayaumûmîye da ke wa vera hêrişan paştî bidê gerîlayan.