Ciwano 14 serre kitabê 'Esir Dunyalar' nuşt

Nuştoxanê tewr qijkekan ra Kurd Firat Ozdemîr 14 serre yo. Serra xo ra 7'ine ra nata şîîr û deyîrê rapî nuştî. Ozdemîro ke kitabê ci yo verên çap bîyo û Fûarê Kitaban ê Amedî yê 7'in de amade bi, wendoxan reyde ame têhet.

Kurd Firat Ozdemîr 14 serre yo. Ozdemîr serra xo ya 7’ine  ra nata şîîr û deyîranê rapî nuseno. Ozdemîro ke kitabê ci yo verên çap bîyo Fûarê Kitaban ê Amedî de wendoxanê xo reyde ame têhet.

Ozdemîr wendekarê dibistane yê pola 1'ine yo. Ozdemîr serra xo ya 14'ine de kitabê bi nameyê 'Esir Dunyalar' çap kerd û nika zî amadekarîya tomarkerdişê deyîran ê rapî keno. Ozdemîrî 40 deyîrê rapî nuştî û bi desan şîîrî nuştî. Ozdemîr wextê grevê veşanîye de ke pê rayberîya Leyla Guven seba wedaritişê tecrîdê  serê Rayberê Şarê Kurdî Abdullah Ocalanî dest pêkerd zî şîîre nuşte.

Ozdemîr ANF'rê qisey kerd û vat ke: "Ez serra xo ya 7'ine ra nata şîîran û deyîranê rapî nuseno. Babîyê mi nuştox o. Reya awile mi nuşteyêk nuşt mi babîyê xo rê mojna, babîyê mi ecibnayo û hêz da mi. Pê nuştişê kitabêkî ez wazeno ke merdimî fikranê mi biwanî. Çunke her ke şono dormeyê merdiman yeno girewtene û ganî merdimî azad bibê. Waştişê min o verên no yo ke ez wazeno merdimî ser kitabê mi munaqeşe bikê. Bi nê kitabî ez wazeno ke komel bikewo mabênê munaqeşe.

Kitabê mi de her tewir merdimî estî. Mi waşt ke ez veng bidî pêroyê ferdê dinya. Ez behsa merdimanê ma kena. Mi kitabê xo de zî ard ziwan şarê ma azad nîyo. Ma heskerdoxê azadîye yê. Serê rîyê nê erdî de hêz qisey keno. Seba ke hêz qisey keno azadîye û cuya têduşte ameyî girewtene. Kitabê xo de mi merdimî mendê cîhanî. Her merdim cîhanêk o. Pêro taybetmendîya merdiman manenê cîhanî. Ez wazeno şima rê kitabê xo rê çend mîsalan bidê 'Heskerdiş û bawerîye zerrîya ma de yê. Merdimî vîrameyîşanê ma de yê. Gune û xêrî destê me de yê. Serkewtiş destê me de yo. Komel bawerîya ma yo. Şeytan zî mezgê ma de yo. Goreyê mi ma qasê cîhan ê.' Ez hêvî kena ke karê nê kitabî cîhanî û komelî rê bikar bo."