Vizêr Raya Armûşî ya Wanî de warê qereqolê Erçekî de leşkeranê tirkan ciwan M. Alî Nametogullariyî (20) ser o guleyî varnabi. Rewşa Nametogullariyî giran a û eke rewşa ci holêr nêba do amelîyat bibo.

Alî Nametogullariyî wexto ke şîyêne Wanî janî ra nêwaşt verê qereqilî ra şoro. Leşkeran o dî û ci rê waşt ke wa vindero. Nametogullari wexto ke wesayîtê xo ra ame war leşkeran ey ser o guleyî varnayî. Ame parekerdene ke 3 parsûyê ey şikîyayî û cîgerê ci de zerarêko pîl esto. Nametogullari wedariya Nêweşxaneyê Zanîngehê Yuzuncu Yilî yê Wanî. 

Babî Îskender Nametogullariyî pare kerd ke rewşa ey giran a û lajê ci hema nêameyo xo ser. Babî vat: ''Goreyê texmînanê ma leşkeranê qereqolê Erçekî da ey ro. Key Alî bêro hişê xo ser o do îfadeyê xo bido û ma gerre bikerê."