Cizîre de adirê Newroze ame tafînayene
Komîteya Amadekerîya Newroze ya Cizîre pê tafînayîşê adirî startê Newroza emserî da û semedê tewrbîyayîşê şayîya Newroze veng da.
Komîteya Amadekerdekarîya Newroze ya Cizîre verê banê HDPyî yê qeza de eşkerayîye daye.
Wekîlê Şinrexî Nurane Îmîr û Hasan Ozguneş zî tede xeylêk kesî tewrê eşekrayîye bîyî. Eşkerayîye de ame vatene ke Newroza Cizîre do 21 adare de do mabanê saetanê 10.00-16.00 de bêro kerdene û semedê tewrbîyayîşî ame vengdayene.
Eşkerayîye de ame vatene ke Newroze seba kurdan zergûnbîyayîşê hêvî yo û ê do rixmê heme şertan Newroze pîroz bikerê. Reyna ame vîrardene ke serranê 90yan de şarê Cizîre qedexeyî nasnêkerdî û pê bedelanê pîlan roşanê xo yo neteweyî pîroz kerd û semedê tewrbîyayîşê Newroze ame vengdayene.
Eşkerayîye ra dima adirê Newroze ame tafînayene û startê şayîyan dîya.
Me îro li Cizîrê starta newrozê da û ji bo 21‘ê Adarê, pîrozbahiya #Newrozê dest bi amadekariyan kir.
— HDP ŞIRNAK (@sirnakhdp) March 16, 2021
Newroz Pîroz Be!✌️ pic.twitter.com/vewUHzLHO5
