Cizîre de serkêşîya Komeleya Yewîye û Kulturî ya Komeleya Hetkarî û Paştdayîşê bi Kesanê ke Merdîmê xo Dergûşê Mezopotamya de Vînî Kerdê (MEBYA-DER) gorî ameyî zîyaretkerdene. Wekîla HDPyî Nurane Îmîr, Rêxistina HDPyî ya Cizîre û endamê Meclîsê Mayanê Haştîye tewrê zîyaretî bîyî.

Wekîle Îmîre zîyaretan de qisey kerd û vist vîrî ke nê roşanî de sînor de reyna şerêk est o. Îmîre vat: ''Îqtîdar seba ke emrê xo derg bikero şerî keno, domananê nê şarî qir keno. Seba pawitişê haştîye ma bedelê pîlî dayî la ma do pawitişê haştîye rê dewam bikerê. Seba pawitişê şerî ma dest pê nobete kenê. Ver aşerî ma do roşan de bînayanê partîya xo de 'Nobeta Cuye' bikerê. Ma venga pêro şarê xo danê ke tewrê na nobete bibo.''