Rejimê AKP-MHP’yî çende weçînitişî benê nizd hemverê şarê Kurdî yo ke nêeşkeno teslîm bigêro de hende hêrişanê xo keno vêşî.

Qezaya Cizîre ya Şirnexî de saetanê ereyî yê şewe de hemverê xeylî keyeyan de operasyonê qirkerdişê sîyasîyî ameyî viraştene. Sereştişan de namzedê Meclîso Pêroyî yê Bajarî yê Partîya Şaran a Demokratîke (HDP) Alî Akdenîz, sereko verên ê Şaredarîya Cizîre Aydin Bûdak, îdarekarê Organîzasyonê Qeza yê HDP’yî Huseyîn Yîgît, Abdurrahîm Ûgan û Mûstafa Çomlek ameyî destbendkerdene.

Kesê ke ameyê destbendkerdene Mudurîya Asayîşî ya Qeza de yenê tepiştene. Yeno vatene beno ke şaristan de hûmara destbendkerdişî hîna vêşî bo.