Colemêrg de rîyê varayîşê vewra zafe ra heme rayîrê ke merkezê şaristanî de yê bi rojan girewte manenê. Qeyûmo AKPyî Cuneyt Epcîmo ke vewra merkezê bajarî nêkeno pak, heme îmkanê Şaredarîya Colemêrgî seba xebata weçînitişî û sazîyanê dewlete seferber kerdê.

Colemêrg de şar rîyê varayîşê vewre ra mexdur mendo la xebatkarê şaredarîye bi makîneyanê karî tena rayîranê qereqolan akenê. Hewna ke rayîrê merkezê şaristanî û yê mehlayan girewte yê rixmê nê de rayîrê Tugaya Komando ya Koyî ya Colemêrgî û heme qereqolan yenê akerdene. Hemwelatijî naye ra mecbûr manenê ke rayîranê xo bi xo akerê.     

Qeyûmo ke hetê AKPyî ra ame tayînkerdene xizmetê dewrê Şaredarîya DBPyî tehrîb kerdî, bi desan karkerî kar ra eştî û şaredarîye açarnaye qereqolî û dormeyê ci bi dêsan û wesayîtanê zirxinan girewt. Qeyûmo ke şaredarî bêdeyn girewt şaredarîye 500 mîlyon kerde deyndar.