Edîtoranê Rojnewsî ra Silêman Ehmed 25ê teşrîna verêne de Berê Sînorî yê Sêmalka de hetê hêzanê PDKyî ra amebi remnayene. Nêrazîbîyayîşan ra dima PDKyî îtîraf kerd ke înan Ehmed destbend kerdo û la derheqê rewşa ey de agahîyêke nêdaye.

Komîteya Pawitişê Rojnamegeran (CPJ) vizêr eşkerayîyêke daye û waşt ke wa rojnameger Silêman Ehmedo ke hetê hêzanê PDKyî ra amebi remnayene, cade 'bê şertî' vera bidîyo.

Koordînatorê Rojhelatê Mîyanênî û Afrîkaya Vakure yê CPJyî Sherif Mansourî Washington de eşkerayîye daye û vat: ''Ganî selahîyetdarê kurdî yê Iraqî cayê rojnameger Ehmedî eşkera bikerê, îdîayanê sûcdarîye betal bikerê û bêşert ey vera bidê.

Kurdîstanê Iraqî de rojnamegerî bi sîstematîkî û neqanûnî yenê destbendkerdene, nezaretan de raştê hêrişan yenê. Nê nênê qebulkerdene. Ganî selahîyetdarê kurdî yê Iraqî destûr bidê ke rojnamegetî bi hawayêkê azadî û bêtersî karê xo bikerê.''