26ê gulana 2022yî de hêrişêk de herêma Zêwe ya qezaya Bamernê ya Amedîyê ya Başûrê Kurdîstanî de di domanî Yusif Hacî û Revend Hoşyar Muhsîn ameybî qetilkerdene û domanêk zî birîndar bibi.

Rêxistina Tîma Haştîwaze ya Xirîstîyanan (CPT) netîceya cigêrayîşanê serê 2 domananê Bamernê de eşkera kerd ke goreyê cigêrayîşî domanî hetê dewleta tirke ra ameyê qetilkerdene.

CPTyî bi eşkerayîyêke netîceya cigêrayîşî pare kerd. CPTyî vat: ''Goreyê belgeyanê destê ma û şahîdan hêriş hetê dewleta tirke ra ameyo kerdene. Keyeyê 3 domanan vanê ke roja hêrişî tim vengê droneyanê çekdaran ê Tirkîya ameyêne. Yanî dorneyî serê festîvale de gêrayêne, cayê festîvale têna 800 metreyan baregehê dewleta tirke yê Bamernê ra dûrî bi. Hêriş û gêrayîşê teyarayan heman wextî de bi.''

Peynîya raporî de ame vîrvistene ke koyê Metîna yo ke yeno vatene ke hêriş tira hetê PKKyî ra ameyo kerdene destê dewleta tirke û hukmatê Herêma Kurdîstanî de yo.

Balkêş o rixmê dîmen û eşkerayîyanê keyeyan zî PDKyî sûcdarîya hêrişî eştbî milê PKKyî ser.