Darbeya dewleta tirke Ewropa de ameye şermezarkerdene - Newe Bîye

Kurdîstanijî û dostê înan vera darbeya dewleta tirke yê vera îradeyê şarê kurdî reyna vejîyayî kuçeyan. Xeylêk welatan de bi çalakîyan hêrişê qirkerdişî ameyî şermezarkerdene û semedê têkoşînê hemparî ame vengdayene.

Almanya, Fransa, Swêd, Hollanda, Belçîka, Finlandiya, Danîmarka, Swîsre û xeylêk welatanê bînan ê Ewropa  de ewro reyna kurdîstanijî û dostê înan kuçeyan de bî. Çalakîyan de xespkerdişê wekîlîyanê wekîlanê HDPyî Leyla Guven û Musa Farsiogullari û tepiştişê înan û hêrişê qirkerdişî yê vera kurdan ameyî şermezarkerdene.

Çalakîyan de ame vatene ke îqtîdaro faşîst se keno wa bikero do meeşko îradeyê şarê kurdî bişikino. Qiseykerdişan de bale ameye antene serê têkoşînê kurdan ser û ame vatene ke kurdan çirey çok nêda do ewro ra tepîya verê hêriş û zextan de milê xo çewt mekerê û peynî ra tewr peynî ser bikewê. Çalakwan semedê têkoşînî hemparî veng da ke heme şarî vera îqtîdarê faşîstî hêzê xo bikerê yew û peynîya faşîzmî bîyarê.

Zurih

 Bern

Paris

Toulouse 

Marsilya 

 Kopenhag

Stuttgart 

 Gottingen 

Duisburg

Helsinki

Stockholm

 Bruksel