24ê hezîrana 2018î de qezaya Pirsûsî ya Riha de terefgîranê AKPyî hêriş keyeyê Şenyaşarî kerdbi. Hêriş de mêrde û di lajê Emîne Şenyaşar hetê pawitoxanê wekîlê AKPyî Îbrahîm Halîl Yildizî ra kişîyayî. Emîne Şenyaşar û lajê ci Ferît Şenyaşar vizêr bi armancê waştişê edaletî verê bînaya AKPyî ya Riha de çalakîya roniştişî kerdbi. Dima Emîne û Ferît Şenyaşar bi bahaneya 'muxalefetê vera qanûnê çalakîyan' ameyîdestbendkerdene. Dadî û lajî asayîş de heqê xo yê bêvengîye xebitna û qisey nêkerd. Îfade ra dima Emîne û Ferît Şenyaşar bi şertê kontrolê edlîyî vera dîyayî.

Emîne Şenyaşar vat: ''Lajê mi Fadilî rê cezaya 150 serran yena waştene. Ma waşt o vera bidîyo coka ma çalakîye kerde. Ma verê AKPyî de edalet waşt la înan ma eştî nezaretxane. Ma têna wazenê ke wa edalet bêro caardene. Wa dîmenê nêweşxaneyî bêrê eşkerakerdene. Êyê ke domanê mi kiştê bi rehetî Pirsûs de gêrenê.''

Ferît Şenyaşarî zî pare kerd ke dewaya înan bi fermanê sîyasetî yena hukmkerdene û vat: ''Pê destbendkerdişî AKPyî waştişê edaletî rê cewab da. Destbendkerdişê ma goreyê keyfê polîsan bi, huqûqî nêbi. Ma rê zulm yeno kerdene.''

Ferît Şenyaşarî seba roniştişê înan ê 25ê kanûne veng da.