Nasir Yagiz, seba ke tecrîdê serê Rayberê Şarê Kurdî Abdullah Ocalanî bêro wedaritene, 109 rojî yo ke grevê vêşanîye de yo. Rewşa weşîye ya Nasir Yagizî her roja neweye de hîna bena xirabe. Maya ci Muazzez Yagize, derheqê rewşa lajê xo de beyanat da û va tena rewşa weşîya ey nê, ê Leyla Guvene û xoverdayoxanê bînan zî asta bixetere de ya.

Muazzez Yagize talebê xoverdayoxan ardî vîrî û wina va: “Ma wazenê ke wa talebê xoverdayoxan bêrê ca. Êdî bes o, Zerrîya dayîkan hîna zêde mevêşnêrê. Domanê ma çimanê ma ver de, her roje hîna zêde helînê. Ma wazenê ke yew roja avere tecrîd bêro wedaritene û haştîye bêro.”

VENGÊ XOVERDAYOXAN RÊ BIBÊ VENG

Muazzez Yagize qisykerdişê xo wina domna: “Nasir seba ke weşîye ra kewto, şewdiranê nêeşkeno biwarizo. Bi hetkarîya embazan warizeno payan ser. Reyna şewe dejê sereyi ver nêeşkeno rakewo. Rîtmê ci yê qelbî beno berz, bihna ci miçiqîyena. Heta nika 13 kîloyî kerdî vîndî. Ganî şarê ma biwirzo payan ser û bivejîyo meydanan. Vengê xoverdayoxan rê bibo veng. Êdî bes o, wa zerrîya dayîkan nêvêşo.”