Merkezê Îrtîbatî û Çapemenîye yê HPGyî bi eşkerayîyêke nasnameyê 3 gerîlayanê ke Zap de şehîd bîyê, pare kerdî.

Eşkerayîye wina ya:

''Embazanê ma Avareş, Masîro û Kemalî vera operasyonê îşxalî yê dewleta tirke ya faşîste û kolonyalîste yê serê Zapî tewr vernî de ca girewt, pê taktîkê tîmanê hereketînan kerd ke îşxalkerî vînîbîyayîşanê giranan bidê. Rixmo ke îşxalkeran pê teknîkê modernî waşt ke aver şorê embazanê ma pê îradeyê Apogîrî bi qeremanî şer kerd û kerd ke verê îşxalkeran bigêrê. Embaz Avareş, Masîro û Kemalî serkêşîya xeylêk çalakîyanê serkewteyan kerde, erazîyê Zapî bi xorinî şuxilna û 22ê nîsane de pêkewtişê vera dişmenî de bi qehremanî şehîd bîyî.

Nasnameyê embazanê ma yê şehîdan wina yê:

Embaz Avareş Licê de dadîya xo ra beno û keyeyê ci netîceyanê polîtîkayanê dewlete de neçare maneno ke koçê Amedî bikero. Embaz Avareş 2013 de erdê xo Licê de tewrê gerîlayan beno û xeyalê xo yê domanîye bi nê hawayî ano ca. Embaz Avareş vera DAÎŞî xeylêk waran de şer keno. O 4 serran bêmabênî mîyanê pratîkî de ca gêno, birîndar beno la têkoşînî ra fek vera nêdano. Embaz Avareş 2019 de perwerdeyan ra dima beno fermandarêk û Zap de wezîfe keno. O Zap de singe bi singe vera dişmenî şer keno, her hetî ra xo aver beno û mîyanê çalakîyanê serkewteyan de ca gêno.

Embaz Masîro Amed de dadîya xo ra beno. O verî tewrê xebatanê ciwanan beno, çalakîyêke de hetê polîsan ra dîyeno piro beno birîndar. Ney ra dima embaz Masîro verê xo dano koyanê Kurdîstanî. Embaz Masîro verî warê Şehîd Kendalî de sifreyê embazîye yê Çîyageran de nişeno ro dima zî vera DAÎŞî şer keno. Serkewtişê vera DAÎŞî ra dima o derbazê Zagrosan beno. Embaz Masîro koyan de vera xo aver beno, embazîya PKKyî xo rê keno esas. O pê fedakarî, çêrî, perwerîya xo ya bi embazîye nameyê xo serê tarîxî de dano nuştene.

Embaz Kemal Pîr qezaya Bazarcixî ya Gumgumî de dadîya xo ra beno.  Embaz Kemal vera rejîmê faşîstî û polîtîkayanê xi Xoverdayîşê Xoîdarekerdişî ra dima tewrê gerîlayan beno. Embaz Kemal Zap de gerîlatîye museno. Embaz Kemalo ke qîmetê kede hol zanayêne, keno ke bi kede cuya azade û pawitişê ci bikero. Embaz Kemal Pîr îfade keno ke wayîrvejîyayîşê Rayber Apoyî wayîrvejîyayîşê merdimîye yo. Ey tim kerdêne ke bibo milîtanêko fedayî yê Rayber Apoyî.

Sere de keyeyanê ercîyayeyan ê embazanê ma rê, ma pêro şarê welatperwerî yê Kurdîstanî rê serweşîye wazenê. Ma reyna soz danê ke qetî xeyalê şehîdanê ma 'Rayberîya azade', 'Kurdîstanê Azadî' bîyarê ca.''