Heyetê DEM Partî û Têgêrayîşê Cinîyan ê Azadan (TJA) Hewlêr de sîyasetmedar û cinîyan ê aktîvîstan de ame têhet.

Heyeto ke Wekîlê DEM Partî Newroze Uysal Aslan û Gulcane Kaçmaz, Wekîla verêne Ayşe Acar Başaran ra yeno pê hetê namzeda YNKyî ya Hewlêrî Parêze Omer ra ame pêşwazîkerdene. 

Parêze pêvînayîş de vat: ''No pêvînayîş bîyo kombîyayîşêko neteweyî û cinîyan ê azadan. Ma tim yew ê. Coka ganî ma meseleyanê welatî ser o tim bêrê têhet.''

Wekîle Newroze ard ziwan ke cinîyê kurdî binê teda û zulmî de yê û vat: ''Her parçeyê Kurdîstanî de vera cinîyan polîtîkayê şerê taybetî yenê kerdene. Ewro Kurdîstan de şerêko pîl est o. Sey şar û cinîyan mesuldarîyê ma vera nê şerî est ê. Eke ma yewîya cinîyan awan bikerê do bieşkê yewîya neteweyîye zî awan bikerê. Çunke cinîyî binge û serkêşê komelî yê.''

Pêvînayîş de kampanyaya seba azadîya Rayberê Şarê Kurdî Abdullah Ocalanî zî ameye ercnayene.