Wekîlê DEM Partî yê Bedlîsî Huseyîn Olanî roniştişê Meclîsî de qisey kerd û qala vurîyayîşê demografîya Xelate kerde.

Huseyîn Olanî da zanayene ke parselê Yenî Kopruyî yê qezaya Xelate û dormeyê ci seba cakerdişê tirkanê ahiskayî dîyayê û ganî na babete bêra nîqaşkerdene. Olanî pare kerd ke erdê 152 donimî seba îmarî ameyo akerdene ke tede ahiskayîjan rê keyeyî virazîyê. Olanî vist vîrî ke seba îmarî ÇEDî ra rapor nêameyo girewtene û agahîye nêdîyaye dewijanê dormeyî.

Olanî vat ke 2015 de zî bi bira Serekkomarîye 72 keyeyê ahiskayîjan Xelate de ameybî cakerdene û nînan rê hetê TOKÎ ra banî virazîyayî. Olanî vat: ''Nika zî amadekarîye yena kerdene ke 3 hezar koçberê ahiskayî Xelate de bêrê cakerdene. No raşta raşte do demografîya Xelate bivurno. AKP keno ke Xelate de nufusê kurdan bikêmîno.''

Olanî derheqê babete de vernîyazêk pêşkêş kerd û tede vat: ''Xelate şaristanê kurdan o. Îqtîdar bi lezî û bi planî têgêreno ke demografîya herême bivurno. AKP-MHP wazeno Kurdîstan de bi rayîranê gemarinan xo rê warê neweyî abikero. Eşkera yo Xelate seba înan gama verêne ya.''