Mahkemeya rojnamegere Kîbrîye Evrene Mahkemeya Cezaya Giran a 5'ine ya Amedî de ameye dîyene. Mahkeme de avûkatê Evrene amade bî. Rojnamegerî, Platformê Rojnamegeran ê Cinîyan ê Mezopotamya, Punto 24, Înîsîyatîfê Rojnamegerê Azadî zî mahkemeya Evrene de bî.

Dozger waşt ke rewşa tepiştişî ya Evrene dewam bika. Evrene vat, "Mi sey rojnamegêrek heqê xo yê  demokrasî û azadîye yê çapemenîye şuxulnayî.‘‘ Evrene vat fotogtafê pîknîkê yê embazan reyde seke delîlo ke a endama rêxistine ya û perwerde vînena dosya de ca girewt. Heyetê Mahkeme qerar da ke rewşa tepiştişî ya Evrene dewam bika û mahkema tarîxê 12'ê Teşrîna Peyêne rê taloq kerde.