Dozgerîya Komare ya Dêrsimî, derheqê Hemserekê HDP’yî Sezaî Temellîyî de tehqîqat da destpêkerdene.

Temellîyî 31’ê Çele de kombîyayîşê daşinasyayişê namzedan ê şaredarîye Yewîya Hêzî ya Şorişgêre ya Dêrsimî de qisey kerdibi  û Dozgerîya Komare ya Dêrsimî zî bi îdîaya ‘propagandaya terorî‘  derheqê ci de tehqîqat akerd. Seba ke destpironêginayîya parlamenterîye esta, Dozgerîye dosya erşawite Serdozgerîya Komare ya Enqere.

Reyna hetkara Hemserekîye ya DBP’yî Halîde Turkogluye zî eynî kombîyayîş de qisey kerdîbî û dozgerîye derheqê aye de zî bi îdîaya ‘propagandaya terorî ‘ tehqîqet dayo destpêkerdene.