Îstanbul, Riha û Anqara de 9 rojnamegerî ameybî destbendkerdene û Belçîka de polîsan eştbi studyoyanê Stêrk û Medya Haber TVyî ser. Dêrsim, Amed û Mêrdîn de hêrişê vera çapemenîya azade ameyî şermezarkerdene.

Mêrdîn

Mêrdîn de serkêşîya DEM Partî de bi beşdarîya TJA û DBPyî eşkerayîye dîyaye. Eşkerayîye de pankarta 'Çapemenîya azade nêna bêvengkerdene' ameye akerdene. Hemserekê DBPyî yê Mêrdînî Şerafettîn Aslanî dîyar kerd ke hêrişî do bi çapemenîya azade nêeşkê. Dima Necla Acibuca eşkerayîye wende. Çalakîye bi sloganê 'Çapemenîya azade nêna bêvengkerdene' qedîyaye.

Amed

Platformê Kede û Demokrasî yê Amedî Parla Rojava ya Dîclekentî de eşkerayîyêke daye. Sere  de endam û temsîlkarê DFG, DBP, DEM Partî, TJA xeylêk kesî tewrê eşkerayîye bîyî. Eşkerayîye bale ameye antene hêrişanê vera çapemenîya azade.

Dêrsim

Rêxistina DEM Partî ya Dêrsimî Meydanê Seyîd Rizayî de eşkerayîyêke daye. Eşkerayîye de ame parekerdene ke Belçîka erjê heqanê merdiman, demokrasî û azadîya çapemenîye seba menfaetanê xo Tirkîya de bazarîye kerdê. Çalakîye bi sloganê 'Çapemenîya azade nêna bêvengkerdene' qedîyaye.