Hemserekê Kongreya Komelê Demokratîkî (KCD) Berdan Ozturk, Hemserekanê Partîya Herêmanê Demokratîkan (DBP) Salîha Aydenîz û Keskîn Bayindir qezaya Xozatî ya Dêrsimî de dewê Pakire, Torut û Barginî zîyaret kerdî. Wekîlê HDPyî yê Dêrsimî Alîcan Onlu, Hemsereka HDPyî ya Dêrsimî Nurşate Yeşîl, Hemserekê HDPyî yê Xozatî Medet Menteşe û îdarekarê HDPyî tewrê zîyaretî bîyî.

Heyet dewijan rê derheqê grevê vêşanîye yê zîndanan, tecrîdê vera Rayberê Şarê Kurdî Abdullah Ocalanî, hêrişanê vera HDPyî, polîtîkayanê îqtîdarî de agahîyî dayî. Heyetî pare kerd ke kurdî ganî yewîya xo bîyarê ca.

Dewijan zî bale ante ser ke eleqeyê qirkerdişê Denîz Poyraz pê polîtîkaya dewlete ya vera kurdan esta. Pêvînayîşî ra dima heyetî pîrika Ebru Tîmtîk Fatma Denîz zîyaret kerde ke Tîmtîke grevê vêşanîye de dinyaya xo bedilnabî.

Nê zîyaretî ra dima bernameyê Dêrsimî yê heyetî qedîya.