Hemserekê Kongreya Komelê Demokratîkî (KCD) Berdan Ozturk, Hemserekanê Partîya Herêman ê Demokratîkan (DBP) Salîha Aydenîz û Keskîn Bayindirî qezaya Pilemurîye ya Dêrsimî de dewa Asgirî de esnafî û şar zîyaret kerdî. Wekîlê HDPyî yê Dêrsimî Alîcan Onlu û îdarekar û Hemsereka HDPyî ya Dêrsimî Nurşate Yeşîl zî zîyaret de amade bîyî.

Esnafan heyetî rê pare kerd ke polîtîkayanê îqtîdarî ra semed ê hê mîyanê krîzê ekonomîkî de yê.

Dewa Asgirî de hemwelatîyan heyetê KCD û DBPyî pêşwazî kerd. Salîha Aydenîz dewe de qisey kerd û vat: ''çareserîya demokratîke Birêz Abdullah Ocalan o. O seba çareserîya faşîzmî, sîstemê kapîtalîstî û sîstemê xeniqîyayeyî wayîrê perspektîfêkî yo. Coka 6 serrî yo vera ci tecrîdêko giran esto. Prosesê 2013-2015î de ma na aramîye pîya dîye. Meseleya verêne ya Tirkîya meseleya kurdan û adresê çareserîya ci Birêz Ocalan o. Hînî her ca de tecrîd esto. Ê eşkerayîya çapemenîye zî asteng kenê. Çend rojî verî kiştoxêkî bi hawayêkê rehetî Denîze Poyraz qetil kerde. Her ke ma zemînê demokratîkî de israr kenê ê pê mafya, çete, çek, şîdetî kenê ke şar bibo dişmenê yewbînan. Eke ma têkişt vinderê, pîya têkoşîn bikerê eşkenê heqê faşîzmî ra bêrê.''

Qiseykerdişê Aydenîze ra dima şarî heyetî reyde fotografê xo girewtî.