Dêrsim de pêvînayîşê heyetê KCD û DBPyî dewam kenê

Heyetê KCD û DBPyî qezaya Qisle ya Dêrsimî de şar zîyaret kerd.

Hemserekê Kongreya Komelê Demokratîkî (KCD) Berdan Ozturk, Hemserekê Partîya Herêman ê Demokratîkan (DBP) Salîha Aydenîz û Keskîn Bayindirî pîya bi Parlamenterê Dêrsimî Alîcan Onlu û Hemserekê Partîye yê Bajarî Îbrahîm Kasunî û îdarekaranê partîyî şîyî qezaya Qisle ya Dêrsimî.

Heyetî dewa Geyîksuyu de Ocaxê Khal Ferhatî, dewa Dewakuryesunî de Ocaxê Kureyşî, dewa  Gunluce de Ocaxê (Qalme) Boneqalmem Misirî û Cemxaneyê Duzgun Babayî zîyaret kerdî. Heyetî mûmî tafînayî û wayîranê ocaxan de pêvînayîşî kerdî. Pêvînayîşan de derheqê muhîmîya bawerîya elewîtîye de ame qiseykerdene. Keyeyê ke ameyî zîyaretkerdene keyfweşîya xo arde ziwan. Zîyaretê esnafan de zî problemê ekonomîkî ameyî ziwan. Heyet ewro do Pilemûrîye de zîyaretanê xo rê dewam bikero.