Hetê Walîtîya Dêrsim ra, çalakîyê ke seba paştîdayîşê hemsereka KCD’yî û parlamentera HDP’yî Leyla Guven a ke dest kerdîbî grevê vêşanîye yo ke do bikewo roja 100’ine û bi sloganê “Roja 100‘ine de ma Leyla reyde tecrîdî bişiknê” do bêro kerdene kerdî mane û seba 5 rojan heme çalakîyî kerdî qedexe.

Goreyê qerargirewtişê walîtîye, Dêrsim de mabênê 13-18 Sibate de cayanê akerde û girewteyan de kombîyayîş, eşkeraya çapemenîye û çalakîye roniştişê do bêrê kerdene ameyî qedexekerdene.

Parlamenterê HDP’yî roja 100’ina grevê vêşanîye yê Leyla Guvene de 15 bajaran de dest bi rayraşîyayîşan kerdibi. Rayraşîyayîş siba (15’ê Sibate) saete 12.00 de verê berê keyeyê Leyla Guvene de bi eşkerayêka weşanî do bêro qedinayene.