Hêzanê Kede û Demokrasîyî yê Dêrsimî vera hêrişanê vera muxalefetî û hêzanê demokrasîyî yê ke tim zêdîyenê eşkerayîye daye. Wekîlê HDPyî Sezai Temelli, Desime Dag, Alîcan Onlu û temsîlkarê partîyanê sîyasîyan û rêxitinanê sîvîlan ê bajarî tewrê eşkerayîye bîyî.

Sezai Temlli vat: ''Welat de her warê cuye de şîdet kewto dewre. Îqîtdar pê şer, dizdîye û şîdetî payra yo. Îqtîdar pê hêrişan keno ke şaran rê çok bido dayene û îqtîdarê xo bidomno. Qey hend şîdet est o? Çunke tersenê. Ez zî tîya ra veng dana: Bitersê. Şima do hesabê nê şîdetî rojêke verê edaletî de bidê. Tewr zaf zî tersî ra hêrişê cenazayanê ma kenê. Qet cayêkê dinya de wina vera cenazayan şîdet nîno kerdene. Hêrişo ke vera cenazaya sîyasetmedare Aysele Dogan ame kerdene dişmen dişmenî rê nêkeno la no îqtîdar wina hêrişê cenazayanê ma keno.''

Serekê EMEPî yê Dêrsimî Ergin Tekini  zî bale ante polîtîkayanê hêrişî ser û vat:  ''Her hetê welatî ra xeberê qedexekerdişî yenê. Muzîk, festîvale, sîyaset, mîntîngî yenê qedexekerdene. Xora hêrişê vera sîyasetmedara kurde Aysele Dogane pêro zanê. Rixmê heme hêrişan vera têkoşînê şarî, hêzê hunerî û enerjîya ciwanan de şansê şima çîn o.''