Dewa Tanerî ya qezaya Xozatî ya Dêrsimî de dewijî şinê ser daran û pê rewtan hesadê gozan kenê. Hemwelatijî emser hesadê gozan ra kêfweş ê û hem gozan roşenê hem zî seba zimistanî wedarenê.

Hemwelatijê dewa Tanerî Gulîzar Demîre û Yuksel Akbal vanê: " Wextê gozan ame. Ma şinê ser dare û dare şanenê ro. Ma dimayê ke gozî resenê hema şanenê ro. Eke wina nêbo hem dare bena xirab hem zî serra bîne ma nêeşkenî tira hesadê xo bikê. Par seba ke varan zaf varayo û torge zaf bî, gozî çinêbî. Emser hîna baş o. Ma toleyê ci serî ra kenê û gozan serê banan de kenê ra. Eke ma cayêk bivînê şinê gozanê xo roşenê. Awil ma danê cîrananê xo. Emser berdarî zaf bî. Emser hînî germîye qedîyaye. Ma pê gozan zimistan de pelçaxe û şîranî virazenê. Zimistan de ma gozan kenê mîyanê zafê werdan."