Yewîya Hêzî ya Şorişgêrî ya Dêrsimî bi aktîvîtîyêk namzedê xo dayî naskerdene.

Programî bi coşêko pîl dest pêkerd. Hemşaredarê Dêrsimî Nurhayat Altune û Mehmet Alî Bul bi Qerarnameyê Hukmê Qanûnî (KHK) ameyîbî girewtene û cayê înan de qayûm amebi tayînkerdene. Hemşaredarî Nurhayat Altune û Mehmet Alî Bulî û hemşaredara verêne Edîbe Şahîne hepisxane ra peyamî erşawitî û program bi wendişê peyamanê înan dest pêkerd.

Hemserekê Pêroyî yê HDP‘yî Sezaî Temellî, hetkarê hemserekê Pêroyî ya Partî Alîcan Onlu û Murat Çepnî, parlamenterê HDP’yî Alî Kenanoglu û temsîlkarê DBP, Komela Elewîyan a Demokratîke, EMEP, ESP, TÎP û Partîzanî tewrê ci bîyî.

Hemserekê Pêroyî yê HDP‘yî Sezaî Temellî vat ke ma paştî da yewbînan û Yewîya Hêzî ya Şorişgêrî ya Dêrsimî na ro. Ma do bi na yewîya hêzî qayûman Dêrsim ra gezî bikerê.

Temellîyî balê ante tecrîdê Îmraliyî ser û vat ke ma ra venê şima her çî tecrîdî ya gire danê, ma zî vanê ke no welat de her çî pabesteyê tecrîdî yo û heta ke tecrîd mero wedartene melseleyê bînî zî çareser nêbenî. Coka ganî cade tecrîd bêro wedartene.

Temellîyî Leyla Guvene zî silam kerd  û heme çalakîyê bînî yê grevê vêşanîyê yê ke zîndanan, Hewlêr, Strasbourg û xeylî cayan bînan de yenî domnayene vist bîrî û vat ke ma do pêro pîya bi xoverdayîş peynîyê tecrîdî bîyarê.

Namzedê hemşaredarîye yê Dêrsimî wina yê:

Merkezê Dêrsimî: Nurşat Yeşîle û Hidir Demîr

Pêrtag: Mustafa Taşkale,

Mazgêrd: Alî Ekber Saratli

Beldeya Akpazarî ya Mazêrdî: Orhan Çelebî Songul Dogene

Qisle: Rahîme Kilizkane û Ozkan Aslan

Xozat: Nesîmî Ataş û Îlknur Dogane,

Pulur: Serpîl Argine û Sînan Zenk 

Pilemûrîye:  Gurol Yilmaz,

Çemişgezek: Suleyman Karadag