Merkezê Îrtîbatî û Çapemenîye yê HPGyî bi eşkerayîyêka nuştekîye derheqê çalakîyanê gerîlayan û hêrişê artêşa tirke de zanayîş  da:

Çarçela de çalakîya suîqestî

''Çarçeweya Hemleya Şehîd Bagerî û Şehîd Ronya de 27ê hezîrane de hêzanê ma warê Çarçela ya herêma Zagrosî de vera îşxalkeran çalakîya suîqestî viraşte, leşkerêk ame cezakerdene.

Xakurkê de pêkewtişê giranî

1ê temmuze de Xakurkê ya Herêmana Pawitişî yê Medya de mabênê hêzanê ma û îşxalkeran de pêkewtişê giranî qewimîyayî. Pêkewtişanê warê Ertûşî de xeylêk leşkerê dişmenî ameyî cezakerdene yew droneyê dişmenî ame wardayene. Nê pêkewtişan de ambazê ma Masiro û Şaho yê ke heta guleyê xo yê peyênî şer kerd tewrê kerwanê şehîdan bîyî.

Dêrsim de operasyonê îşxalî

24ê hezîrane de artêşa tirke ya îşxalkere Pulurê Dêrsimî de operasyonêk da destpêkerdene. Çarçeweyê operasyonê îşxalî yo ke warê Neynîkan de yeno kerdene de teyarayanê şerî û helîkopteranê hêrişî herême ser o bombayî varnayî û dima ra pêkewtişan dest pêkerd. Nê pêkewtişan de hîrê hemrayê ma bi şerkerdişê qehremankî şehîd bîyî. Operasyon hema dewam keno.

Herişê hewayî

Teyarayanê artêşa tirke 2ê temmuze Qilê Şehîd Zinarî yo ke warê Bektorya yê Heftanînî de yo, 3ê temmuze de warê Kurojero û Birindara Şikefta yê Zapî bombarduman kerdî.''