Merkezê Îrtîbat û Çapemenîye yê HPG'yî derheqê hêrişanê qirkerdişî  yê arTirkî û pêkewtişan de eşkerayîyêka nuştekîye daye.

Eşkerayîya HPG'yî wina ya:

"14-25'ê Êlule de artêşa Tirkî  ya îşxalkare wareyê Mêrga Çepera, Şehîd Caferî û Mervanî yê pabesteyê Dêrsimî yê de operasyonêk da destpêkerdene. Artêşa Tirkî ya îşxalkara ke erazî de cigêrayîş kerdêne bênêtîce agêraye. 24'ê Hezîran de Gelîya Harçikî ya pabesteya merkezê Dêrsimî de mabênê hezanê ma û artêşa Tirkî de şer qewimîyayo. 29'ê Êlule artêşa Tirkî ya îşxalkare wareyê Beşa û dormeyê dewa Şûx a Zezxêrî ya Sêrtî de bi teyarayan bombayî varnayî. Derheqê bombardûman de wexto ke xeberê herayî biresî, şarî reyde do bêrê parekerdene. 4'ê Teşrîna Verêne teyarayanê şerî yê artêşa Tirkî ya îşxalkare Wareyanê Pawitişî yê Medya ra dewa Çemrobotkî ya herêma Gare, wareyê Deşta Nehlî û wareyê Werxelî yê herêma Avaşînî de bombayî varnayî. Nê bombardûmanan de zerarêkê ma nêbîyo, wareyê daristanî de şewat vejîya."