Dêrsim: Keyeyêkê HDPyîje ame nîşankerdene

Taxa Gazikî ya merkezê Dêrsimî de berê keyeyê Ferîde Kit ser o sembolo nîjadperest ame xêzkerdene.

Taxa Gazikî ya merkezê Dêrsimî de berê keyeyê Ferîde Kit ser o sembolo nîjadperest ame xêzkerdene. Ferîde Kit da zanayene ke serê sibayî ber dî û bînaya hîrê qatîne kontrol kerd. Ferîde Kit pare kerd ke têna berê aye ser o sembolo nîjadperest estbi.

Ferîde Kit ard ziwan ke no tesadufî nîyo û vat: ''No yew mesaj o. Çira taxêka pîle de têna berê ma de esto? Seba ke ez terefgîra HDPyî ya berê mi ame hedefkerdene. Ez serê sibayî ra nata zaf qerqilîyena.''

Ferîde Kit îfade kerd ke 3 serrî verê cû zî wesayîtêko zirxîn amebi verê berê ci û vat: ''Panzer tam verê berê ma de vindertbi. Ez qerqilîyena ke gelo polîsan wina kerdo?''