Operasyonê qirkerdişê sîyasîyî yê îqtîdarî dewam kenê. Dêrsim û Riha de 2 kesî ameyî destbendkerdene 2 kesî zî ameyî tepiştene

Dêrsim de endamê Merkezê HDP'yî Ferhat Yildizo ke derheqê ey de qerarê destbendkerdişî esto, nuqtaya kontrolî ye dekewtişê bajarî de ame destbendkerdene. Hete bînî ra qezaya Mazgêrdî de 4 kesê ke ameybî destbendkerdene înan ra Alî Nezîp Înecîk  û Zekî Can bi îdîaya, ‘hetkarî daya rêxistine‘ ameyî tepiştene û ameyî şawitene bi Zîndanê Xerpêtî.

Riha de zî cendirmeyan eşt dewa Gola Eyşo ya qezaya Gire Sorî ser hemwelatijo bi nameyê Cengîz Sariçîçek rîyê parekerdişê medyaya sosyale ra bi derbkerdiş destbend kerd.