Dêrsim de wendegehê îmam-xetîbî vera hemwelatîyan sey hacetêkê asîmîlasyonî şuxilîyenê. Mudirîya Perwerdeyî ya Dêrsimî keyeyanê wendekaranê dibistana  verêne rê derheqê fikrê înan ê îmam xetîbî de bi anketêkî tay persî pers kerdî.

Persê Mudirîya Perwerdeyî wina yê:

''Welîyê ercîyayeyî, pê cewabanê şima ma do fikrê şima yê serê wendegehê îmam xetîbî bizanê. Semedo ke şima tewrê anketî bîyî nika ra ma şima rê zaf sipas kenê, bimanê weşîye de.

-Xebera şima pê wendegehanê îmam xetîbî esta?

-Şima wazenê wendegehê îmam xetîbî abibê?

-Eke cayê şima de wendegehê îmam xetîbî abiba şima do wendekaranê xo bierşawê ci?

-Şima wina fikirîyenê ke wendegehê îmam xetîbî asta serfîrazî ya şaristanî do berz bikera?

-Eke wendegehê îmam xetîbî a biba şima do îdareyê Yewina Wendegehî û Keyeyan de ca bigêrê û tewrê xebatan bibê?''