Hukmatê AKPyî û Wezaretê Dormeyî û Şaristanîye Wan, Şirnex û Colemêrg de pê behaneya 'bêfaydetîye' tay erdê zîretî bi metodê muzayede roşenê. Erdîş de 73, Şirnex û qezaya Cizîre de 4, Colemêrg de 96 cayê erdî seba rotişî ameyî pêşkêşkerdene.

Nê erdî heta nika hetê roniştoxanê şaristanan ra şuxilîyayêne. Dewijî tersenê ke rotişê nê erdî do bibê sebebê dişmenî û pirodayîşan.

Dewijan ard ziwan ke pê rotişî erdê înan destê înan ra yeno girewtene û dîyeno zengînan. Dewijan vat: ''Eke dewijî nêeşkê heqê erdê xo bidê o çax teberî ra merdimî do erdê ma bigêrê. Ê erdê ma pêşkêşê yewbînan kenê. Ma TOKÎyan nêwazenê. Ma do tewrê muzayedeyê rotişî nêbê. Ma vera nê rotişî yê.''