Dewa Bilbêsî ya qezaya Elkê ya Şirnexî de ablûqa û qedexeyê leşkeranê tirkan ê îşxalkeran 45 rojî yo dewam kenê. Îşxalkeran çar hetanê dewe de ca da xo û şan herême daye bombayan ver. Dekewtiş û vejîyayîşê dewe rê zî Kontrolê Agahîyanê Pêroyîyan (GBT) ra dima destûr yeno dayene.

Qedexeyo ke hetê Walîtîya Şirnexî ra di reyî amebi îlankerdene, 23yê tebaxe qedîyabi. Goreyê agahîyanê ke çimeyanê herêmîyan dayê, dewijî nêeşkenê heywananê xo biçêrnê, şorê bax û baxçeyanê xo. Yeno vatene ke seba ke şarê herême koç bikero herême dîyena bombayan ver.