Artêşa Iraqî vizêr şan saete 17.00 de xîret kerd ke pê çekanê giranan debikewa dewa Gir Zerikî ya Şingalî. Xîretê artêşe ra dima şarê Şingalî dest pê xoverdayîşî kerd. Şaro ke artêşa Iraqî asteng kerde çalakîya roniştişî rê dewam keno.

Şarê Şingalî da zanayene ke ê do heta peynî wayîrê erdê xo vejîyê û destûr nêdê ke artêşa Iraqî debikewa dewe. Şar pê tîlîlîyan û sloganê 'Biciwîyo xoverdayîşê Şingalî' vera artêşa Iraqî nêrazîbîyayîşê xo mojneno.

Hetê bînî ra dewanê dormeyî ra zî xeylêk dewijî seba paştdayîşê xoverdayîşê Gir Zerikî tewrê çalakîya roniştişî bîyî.