Dewaya KCKyi ya Silopî de cezaya hepsî ya 99 serran
Dewaya KCKyi ya Silopî de cezaya hepsî ya 99 serran dîyaye 12 kesan. Mîyanê nînan de Hemşaredara Cizîre Bêrîvane Kutluya ke herinda ci de qeyûm ame cakerdene, a zî esta.
Roniştişê dewaya KCKyî ya Silopî ke 30 kesî ameyêne muhakemekerdene Mehkemeya Cezaya Girane ya 2. ya Xarpêtî ame kerdene.Hemşaredara Cizîre Bêrîvane Kutluya ke herinda ci de qeyûm ame cakerdene zî tede 12 kesan bi temamî cezaya hepsî ya 99 serran ameye dayene.
Dewaya ke 2011 de vera sîyasetmedaranê kurdan ameye destpêkerdene roniştişê ci yê qerarî ame kerdene. Êyê ke yenê sûcdarkerdene tewrê mehkeme nêbîyî. Avûkatî mehkeme de hazir bî.
Dozgerîye bi îdîyaya ''endamîya rêxisitine'' ceza waşte. Mehkeme derheqê 12 kesan de mabênê 7 serran û 8 mengan de cezaya hepsî daye. 12 kesan rê bi temamî cezaya 99 serran ameye dayene. Heyetê mehkeme derheqê18 kesan de zî qerarê beraatî da.Hemşaredara Cizîre Bêrîvane Kutlu rê cezaya 7 serran 3 û mengan ameye dayene.
