Dewaya Kobanê: Cipersayîşê 28 sîyasetmedaran dest pêkerd
Cipersayîşê rewşa tepiştetîye ya 28 sîyasetmedaranê ke dewaya Kobanê de rehîn ameyî girewtene dest pêkerd. Dewaya Kobanê de bi temamî 108 kesî yenê muhakemekerdene.
Dewaya ke Hemserekê verênî yê HDPyî Fîgene Yuksekdag û Selahattîn Demîrtaş zî tede vera 108 kesan ameye akerdene 26ê nîsane de do dest pêbikera. Roniştişê dewa ya verî cipersayîşê tepiştetîye ya 28 sîyasetmedaran dest pêkerd
Nameyê 28 sîyasetmedaran wina yê: Fîgene Yuksekdag, Selahattîn Demîrtaş, Ayhan Bîlgen, Emîne Ayna, Ayla Akat Ata, Beyza Ustun, Ibrahîm Bînîcî, Gunay Kubîlay, Alp Altinoers, Nazmî Gur, Alî Urkut, Zekî Çelîk, Bulent Parmaksiz, Can Memîş, Cîhan Erdal, Ismaîl Şengul, Mesût Bagcik, Bircan Yolrulmaz, Dîleke Yagli, Pervîne Oduncu, Berfîne Ozgu Kose, Ayşe Yagci, Zeynepe Olbeci, Aysele Tugluk, Sebahate Tuncel, Gultane Kişanak, Nezîr Çakan û Meryeme Adilbellî.
Îdîanameyo ke 2 hezar û 530 rîpel o tede bi îdîya 'çinkerdişê yewîya dewlete û welatî' û 'kiştişê merdiman' derheqê 108 kesan de cezaya muebede û cezaya bi seyan serran yena waştene.
