Nisêbînê Mêrdînî de wextê qedexeyê vejîyayîşê teberî de , 17'ê înan domanî 70 kesî 26'ê Gulana 2016 de ameyî destbendkerdene. Vizêr dewaya 4 kesan ameye dîyene. Mehkeme de Omer Karataş, Ozgur Sevîm, Îlyas Dogan û Zehra Kayaalpe ameye hukmkerdene.

Mehkeme de Omer Karataşî ard ziwan  ke seba ke o hetê şaro ke wayîrê modelê xoserîya demokratîke vejîyayo de bibo şîyo Nisêbîn û ganî xoîdarekerdişê şarî rê hurmet bêro kerdene. Mehkeme bi îdîaya ke " Xesar dayo sîstemê dewlete' 15 serre cezaya zîndanî Kartaşî rê daye. Dima ra Îlyas Dogan û Zehra Kayaalpe ameyî hukmkerdene. Înan rê zî bi îdîaya ke 'Xesar dayo sîstemê dewlete' 15 serre cezaya zîndanî ameye dayene.

Dima ra Ozgur Sevîm ame hukmkerdene. Sevîm pawitişê xo de vat ke "Xîret kenê ke rûmetê şarêkî nêro hesibnayene, la şar zî verba nê çi xo ver dano. Gelo wextê Şêx Seîdî de PKK estbi? Wextê qirkerdişanê Dêrsim û Qoçkirî de PKK estbi? Ez hetê şerî de nîya la dewlete verê ma da hetê şerî de ya. Dewlete qet xo nêzdîya çareserî ya demokratîke nêkerd. Ez do qet poşman nêbo. Cezaya ke şima danê mi xemê mi de nîyo." Ozgur Sewîm rê zî bi îdîaya 'xesar dayo sîstemê dewlete û endamîya rêxistine' cezaya muebed a girankerde û 25 serre cezaya zîndanî ameye dayene.

Dewaya Nisêbînî de Yasemîn Erkole 10 serre, Hêja Algan, Emre Topçuoglu, Baran Eman, Çeçen Kîlkaya, Dîlan Aslane yê ke wextê serebûtan de 18 serre ra qijêre bîyî zî 35 serre cezaya zîndanî înan rê ameyî dayene. Osman Bozkurt, Hamît Acar û Akar Îkbal rê zî cezaya muebed a girankerde û 15 serre ceza ameye dayene.