Wextê xoverdayîşê xoîdarekerdişî yê qezaya Nisêbînî ya Mêrdînî de, 26'ê Gulana 2016 de 17'ê ci domanî 70 kesî amebî destbendkerdene û dima amebî tepiştene. 2 dewayî amebî kerdene, dimayê wextêkî yewbînan ra ameyî cîyakerdene, roniştişê kesanê ke yenê hukmkerdene,  yew bi yew yenê dîyene. Roniştişê vizêrên ê Mehkemeya Cezaya Girane ya 4'ine ya Mêrdînî de Şukru Aybek, Hatîp Oyman, Bayram Sevgîn û Ercan Dolaşir ameyî hukmkerdene û qerarê cezakerdişî yê derheqê înan de ame dayene.

Mehkeme cezaya muebetî daye Ercan Dolaşirî  û heman wextî de bi sucdarîya "Bi zanayîş kiştene" zî 10 serrî cezaya zîndanî daye ci.  Seba tepişteyan Beyram Sevgîn û Hatîp Oymenî  zî cezaya muebetî ya girane ameye dayene û 18 serrî cezaya zîndanî ameye dayene. Şukru Aybekî rê zî cezaya muebetî  ameye dayene. Aybekî seba ke wexto ke ame tepiştene 18 serre ra qijêr bi, cezaya ci kerde 35 serrî û 10 mengî.