Her yew 12 hezar merdimî ra Mexmûr de wayîrê hîkayeyo cîya yo. Labelê cayê hempar ê hîkayeyê pêroyînan esto. Ê teda û îşkenceyê dewleta Tirkî yê dewanê înan ê Vakurê Kurdistanî de yê ke natorî înan rê farz kerd û dewê înan vêşnayî. Verê dewanê înan bêrê vêşnayene, ambargoyê ser dewa tayê înan serrêke de, ser dewa tayê bînan de zî di serrî ameye kerdene.

Dadîka Haştîye Kûmrû Kasim Tûnça ke 20 roje ra nata seba ambargoyê serê Mexmûrî bêro wedartene verê bendê kontrol ê asayîş ê PDK'yî de çalakîya roniştişî kena, dewa Mijin a Şirnêxî ra ya. Mijin yew dewa Şirnêxî ya ke bî hedefê teda û hêrişê dewleta Tirkî de ya. Kûmrû Tunçe behsa îşkenceyo ke dewleta Tirkî înan rê kerd û serebûtê Mexmûr kerd: "Leşkerî bêmabên ameyêne dewa ma. Waştêne ke ma bibê nator, la dewa de çewî no qebul nêkerdêne. Înan zî seba naye îşkenceyê xo zêdêr kerdêne. Heta serra 1993 wina dewam kerd. A serre ambargoyê ser dewa ma de kerde. Seba ke ma natorîye qebul nêkerde, înan nêverdayêne nan û zexîre bêro dewe. Ma heta aşma Teşrîna Peyêne îdare kerd. Barcî natorî ameyî û der û dorê dewa ma girewt. Ma berdî û ma rê vat 'ma do keyeyê şima bivêşnê' Seba ke heta nika tim wina vatêne ma înan ra bawer nêkerd. La keyeyê ma vêşnayî û ma canê xo û domanê xo ancax xelisnayî. Nêverdayê ma keyeyê xo ra çîyêk bigêrê. Keyeyê ma û hacetê ma veşnayî. Mîyanê dewe de ma bêmal mendî. Dewe de keyeyê vengî estbî, la tersî ra tehdîtanê dewleta Tirkî ra çewî keyeyê xo nêdayêne ma. Aşmêk ma çar keyeyî domananê xo reyde mîyanê dewe de mendî. Yew keyeyo merdimê mi estbi. Ma çar keyeyî şîyê kewtê o keye. Heta serra 1994‘î ma wina îdare kerd. Barcî dimayê şîyayîşê zafê cayan ma ameyî Mexmûr. Ma kampe kerde cenet verba dimpiştikan ma xo ver da û kampe saz kerde. Roja ke ma ameyî tîya ra nata ma reyna binê ambargoyê de yê. Ma zî reyna xo ver danî. Heta ke ambargo nêra wedaritene ma zî tîya ra nêşinê. Senî ke ma ê ambargoyê bînî daye wedaritene ma naye zî do bide wedaritene.‘‘