Herêmê Şikefta Sor, Kepiyê Ga, Mila Redê, Kanîreş, Nihala Şengê, Girê Bîkê, Kora Bizîwan û Çelê Zeviyan ê qezaya Elkê yê Şirnexî 29ê temmuze ra nata dekewtiş û vejîyayîşan rê qedexe yê û dewê herêman binê ablûqaya leşkeran de yê. Temmuze ra nata leşkerî tim erzenê dewan ser. 

Goreyê xebera Ajansê Mezopotamya roniştoxêkê dewe dîyar kerd ke ê ablûqa ra neçare manenê ke heywananê xo biroşê û koç bikerê. Dewijî vat: ''Leşkerî dewan de yê. Key biwazê leşkerî erzenê ma ser. Seba ke qedexe yo ma nêeşkenê heywananê xo biçêrnê. Coka ma heywananê xo roşenê.''

14ê êlule de 5 herêmê qezaya Basa yê Şirnexî hetê Walîtîya Şirnexî ra ameybî qedexekerdene. Mîyanê nê herêman de dewa Bana zî est a. Dewa Bana zî hîrê mengî yo binê ablûqaya leşkeran de ya. 

Roniştoxanê dewe ard ziwan ke ê bi destûrê leşkeran şinê baxçeyanê xo û vat: ''Dewe hîrê mengî yo binê ablûqa de ya. Heta ke ma destûr nêwazenê ma nêeşkenê şorê mîyanê baxçeyanê xo. Coka ma zehmetî ancenê.''