6ê kanûne de dewa Mûşîyanî ya qezaya Tutaxî ya Agirî de Murat Kaya sereştişan de hetê leşkeranê tirkan ra amebi qetilkerene. Qereqolê Cendirmeyan ê Tutaxî nika zî dewijanê ke kiştişê Kayayî rê şahîd bîyî tehdît kenê.

Birayê Kayayî Mazher Yalçinî pare kerd ke ge ge leşkerî yenê dewe de ge ge zî Qeraqolê Tûtaxî de dewijanê ke şahîdê serebûtî bîyî tehdît kenê. Mazhar Yalçinî ard ziwan ke dîmenê kamera yê hêla kiştişê birayê ci zî estê. Mazhar Yalçinî vat: ''Nê dîmenî mojnenê ke birayê mi 'terorîst' ney sivîl o. Birayê mi babîyê 3 domanan bi. Kar û gureyê xo de bi. Mi muracatê ÎHDyî û Baroyê Agirî kerd. La kesêk nêame. Ez wazena ke serebût bêro cigêrayene û hesabê birayê mi bêro persayene. Ma sey keyeyî têna bimanê zî ma do têkoşînê rê xo dewam bikê."