Goreyê xebera Rojnewsî dewleta tirke ya îşxalkere 28ê sibate de şewe qezaya Amedîyê ya şaristanê Dihokî ya Başûrî de verê xo da yo nêzdîyê Koyê Gamnêrikî.

Ame parekerdene ke îşxalkeran Girê Baroxî yê Kanî Masî de mewzîyî viraştê û tîya de dest pê baregehêkê leşkerî kerdo.

Rojnewsî pê hesna ke dîmenê ke tede sewqîyatê tank û leşkeranê dewleta tirke aseno, destê înan de yê. 

Dewleta tirke bi destekê PDKyî qasê 40 kîlometreyan dekewte sînoranê Başûrî. Nika herême de bi seyan baregeh, merkezê îstîxbaratî û noqtayê leşkerî yê dewleta tirke est ê.

Hêrişanê îşxalî yê dewleta tirke de sivîlê Başûrî yenê hedefkerdene. Heta nika nê hêrişan de bi seyan sivîlî ameyî qetilkerdene. La hukmatê Başûr û Iraqî vera hêrişanê Tirkîya de bêveng ê.