Sîteya xeberan Elyumî ya Bexdadî nuşt ke dewleta tirke ya îşxalkere Başûrê Kurdîstanî de baregehê neweyî viraştê. Nuşte de bale ameye antene ser ke dewleta tirke  sînoranê mabênê Başûr û Rojawanî de Zaxo û Batufa de herêma Mehmûdîye de baregehê neweyî viraştê.

Goreyê Rojnewsî zî çend rojî verî dewleta tirke ya îşxalkere bi destekê PDKyî Başûr de herêma Balekayetî de dest pê viraştişê baregehanê neweyan kerdo.

Başûrê Kurdîstanî de, herêmanê binê serdestîya PDKyî de 85 baregehê leşkerî yê dewleta tirke est ê.